நீங்கள் தேடியது "ஆசிய கோப்பை கிரிக்கெட்"

கிரிக்கெட் விளையாடும் ஆசிய நாடுகளுக்கு இடையில் ஆசிய கோப்பை கிரிக்கெட் தொடர் நடத்தப்பட்டு வருகிறது. கடந்த ஆண்டு 50 ஓவராக நடத்தப்பட்ட ஆசிய கோப்பையை இந்தியா நடத்தியது. பாகிஸ்தான் - இந்தியா இடையில் அரசியல் தொடர்பான பிரச்சனை இருந்து வருவதால் போட்டி இந்தியாவில் நடத்தப்படாமல், ஐக்கிய அரபு எமிரேட்ஸில் நடத்தப்பட்டது.

இந்த நிலையில் இன்று ஆசிய கிரிக்கெட் கவுன்சில் கூட்டம் சிங்கப்பூரில் நடைபெற்றது. இதில் போட்டியை நடத்தும் உரிமையை பாகிஸ்தானிடம் வழங்க முடிவு செய்யப்பட்டது. அடுத்த வருடம் டி20 உலகக்கோப்பை ஆஸ்திரேலியாவில் நடக்கிறது. இதற்கு முன்னோட்டமாக இந்தத் தொடர் கருதப்படுகிறது.

ஆசிய கோப்பை 50 ஓவர் கிரிக்கெட் தொடர் சமீபத்தில் ஐக்கிய அரபு எமிரேட்ஸில் நடைபெற்றது. இந்த தொடர் இந்தியாவில்தான் நடைபெறுவதாக இருந்தது. பாகிஸ்தான் இந்தியா வர மறுப்பு தெரிவித்ததால் மாற்றப்பட்டது.

தற்போது 50 ஓவர் கிரிக்கெட் தொடர் 20 ஓவராக மாறியுள்ளது. இந்த தொடர் 2020-ல் ஆஸ்திரேலியாவில் நடைபெறும் டி20 உலகக்கோப்பைக்கு முன் நடைபெற இருக்கிறது. இந்த தொடரை நடத்தும் உரிமையை பாகிஸ்தான் பெற்றுள்ளது. இந்தியாவிற்கும், பாகிஸ்தானுக்கு இடையில் கிரிக்கெட் தொடர் நடைபெறுவதில் சிக்கல் நீடித்து வருவதால் ஐக்கிய அரபு எமிரேட்ஸில் நடைபெற வாய்ப்புள்ளது.

ஆசிய கோப்பை கிரிக்கெட் போட்டியில் இலங்கை அணி தொடக்க சுற்றிலேயே வெளியேறியது. இதை தொடர்ந்து கேப்டன் பதவியில் இருந்து மேத்யூசை நீக்கி தேர்வு குழுவினர் இன்று அதிரடி நடவடிக்கை எடுத்து உள்ளனர்.

அவருக்கு பதிலாக சன்டிமால் கேப்டனாக நியமிக்கப்பட்டுள்ளார். #AsiaCup2018 #Matthews

துபாய்:

14-வது ஆசிய கோப்பை கிரிக்கெட் போட்டி துபாய் மற்றும் அபுதாபியில் நடந்து வருகிறது. இதில் பங்கேற்றுள்ள 6 அணிகள் 2 பிரிவாக பிரிக்கப்பட்டுள்ளன. ‘ஏ’ பிரிவில் நடப்பு சாம்பியன் இந்தியா, பாகிஸ்தான், ஹாங்காங் அணிகளும், ‘பி’ பிரிவில் இலங்கை, வங்காளதேசம், ஆப்கானிஸ்தான் அணிகளும் இடம் பிடித்துள்ளன.

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் இரு பிரிவிலும் முதல் 2 இடங் களை பிடிக்கும் அணிகள் ‘சூப்பர்-4’ சுற்றுக்கு முன்னேறும்.

இந்த நிலையில் துபாயில் இன்று (செவ்வாய்க்கிழமை) நடைபெறும் 4-வது லீக் ஆட்டத்தில் இந்தியா-ஹாங்காங் அணிகள் மோதுகின்றன. ஹாங்காங் அணி தனது தொடக்க லீக் ஆட்டத்தில் 116 ரன்னில் சுருண்டு 8 விக்கெட் வித்தியாசத்தில் பாகிஸ்தானிடம் தோல்வி கண்டது.

கேப்டன் விராட்கோலிக்கு இந்த போட்டியில் இருந்து ஓய்வு அளிக்கப்பட்டுள்ளதால் இந்திய அணி ரோகித் சர்மா தலைமையில் களம் காணுகிறது. இந்திய அணியில் பேட்டிங்கில் ரோகித் சர்மா, ஷிகர் தவான், லோகேஷ் ராகுல், கேதர் ஜாதவ் ஆகியோர் நல்ல நிலையில் உள்ளனர். முன்னாள் கேப்டன் டோனி பேட்டிங் பார்ம் எப்படி? இருக்கும் என்பது எதிர்பார்ப்பாக இருக்கிறது. அவர் வழக்கமாக களம் காணும் வரிசையில் இருந்து மாறி முன்னதாக களம் இறங்க வாய்ப்பு இருப்பதாக தெரிகிறது. அடுத்த நாளில் பாகிஸ்தானை சந்திக்க இருப்பதால் இந்திய அணி தனது பேட்டிங் வரிசையை பலப்படுத்த பரிசோதனை முயற்சியில் ஈடுபடக்கூடும்.

பந்து வீச்சில் வேகப்பந்து வீச்சாளர்கள் ஜஸ்பிரித் பும்ரா, புவனேஷ்வர்குமார் ஆகியோரும், சுழற்பந்து வீச்சாளர்கள் குல்தீப் யாதவ், யுஸ்வேந்திர சாஹல் ஆகியோரும் சிறப்பாக செயல்படுவார்கள் என்று எதிர்பார்க்கலாம். காயத்தில் இருந்து மீண்டு வந்து இருக்கும் புவனேஷ்வர்குமார் தனது அனுபவ பந்து வீச்சின் மூலம் ஜொலிப்பார் எனலாம். வலுவான இந்திய அணியை கத்துக்குட்டி அணியான ஹாங்காங் சமாளிப்பது கடினமானதாகும். ஆச்சரியம் நடந்தால் மட்டுமே அந்த அணி தொடக்க ஆட்டத்தில் கண்ட சரிவில் இருந்து மீண்டு வந்து இந்திய அணிக்கு சவால் அளிக்க முடியும்.

இந்திய அணி இன்றைய ஆட்டத்தில் வெற்றி பெற்று அடுத்த சுற்றுக்குள் நுழையும் முனைப்பில் உள்ளது. ஹாங்காங் அணி தோல்வி கண்டால் போட்டியில் இருந்து வெளியேறி விடும். இரு அணிகளும் இதுவரை ஒரே ஒரு முறை மட்டுமே நேருக்கு நேர் சந்தித்து இருக்கின்றன. 2008-ம் ஆண்டில் ஆசிய கோப்பை லீக் ஆட்டத்தில் மோதிய அந்த சந்திப்பில் இந்திய அணி 256 ரன்கள் வித்தியாசத்தில் ஹாங்காங்கை விரட்டியடித்து இருந்தது.

இன்றைய போட்டிக்கான இரு உத்தேச அணிகள் பட்டியல் வருமாறு:-

இந்தியா: ரோகித் சர்மா (கேப்டன்), ஷிகர் தவான், லோகேஷ் ராகுல், அம்பத்தி ராயுடு, மனிஷ் பாண்டே அல்லது கேதர் ஜாதவ், டோனி (விக்கெட் கீப்பர்), ஹர்திக் பாண்ட்யா, புவனேஷ்வர்குமார், ஜஸ்பிரித் பும்ரா, யுஸ்வேந்திர சாஹல், குல்தீப் யாதவ்.

ஹாங்காங்: அன்சூமான் ராத் (கேப்டன்), பாபர் ஹயாத், கின்ஜித் ஷா, கிறிஸ்டோபர் கார்டர், இசான் கான், அய்ஜாஸ் கான், ஸ்காட் மெக்கெச்னி, தன்விர் அப்சல், இசான் நவாஸ், நதீம் அகமது, நிஜாகட் கான்.

இந்திய நேரப்படி மாலை 5 மணிக்கு தொடங்கும் இந்த ஆட்டத்தை ஸ்டார் ஸ்போர்ட்ஸ் 1, ஸ்டார் ஸ்போர்ட்ஸ் தமிழ் சேனல்கள் நேரடி ஒளிபரப்பு செய்கின்றன.  #AsiaCup2018 #INDvHK

துபாய்:

கிரிக்கெட்டில் ஆசிய கண்டத்தின் ஜாம்பவான் யார்? என்பதை அடையாளம் காணவும், ஆசிய நாடுகள் இடையே நல்லுறவை வளர்க்கவும் ஆசிய கோப்பை போட்டி அறிமுகம் செய்யப்பட்டது.

முதலாவது ஆசிய கிரிக்கெட் போட்டி 1984-ம் ஆண்டு சார்ஜாவில் அரங்கேறியது. அதில் இந்தியா மகுடம் சூடியது. அதன் பிறகு இந்த போட்டி 2 ஆண்டுக்கு ஒரு முறை நடத்தப்படுகிறது. தவிர்க்க முடியாத காரணங்களால் இடையே சில ஆண்டுகள் நடத்தப்படவில்லை. இலங்கை கிரிக்கெட் வாரியத்துடனான மோதல் போக்கு எதிரொலியாக 1986-ம் ஆண்டு போட்டியை இந்தியாவும், இந்தியாவுடனான பதற்றமான சூழல் காரணமாக 1990-91-ம் ஆண்டு போட்டியை பாகிஸ்தானும் புறக்கணித்தன.

2016-ம் ஆண்டு 20 ஓவர் உலக கோப்பை போட்டி நடந்ததால் அதற்கு தயாராகும் பொருட்டு அந்த ஆண்டு மட்டும் ஆசிய கோப்பை போட்டி 20 ஓவர் வடிவில் நடத்தப்பட்டது குறிப்பிடத்தக்கது.

இதுவரை நடந்துள்ள ஆசிய போட்டிகளில் அதிகபட்சமாக இந்தியா 6 முறையும், இலங்கை 5 முறையும் பட்டம் வென்றுள்ளன.

இந்த நிலையில் 14-வது ஆசிய கோப்பை கிரிக்கெட் திருவிழா ஐக்கிய அரபு அமீரகத்தில் உள்ள துபாய் மற்றும் அபுதாபியில் இன்று (சனிக்கிழமை) தொடங்குகிறது. வருகிற 28-ந்தேதி வரை நடக்கும் இந்த போட்டியில் 6 அணிகள் பங்கேற்கின்றன. ‘ஏ’ பிரிவில் நடப்பு சாம்பியன் இந்தியா, பாகிஸ்தான், ஹாங்காங் அணிகளும், ‘பி’ பிரிவில் இலங்கை, வங்காளதேசம், ஆப்கானிஸ்தான் அணிகளும் இடம் பெற்றுள்ளன.

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் இரு பிரிவிலும் முதல் இரு இடங்களை பிடிக்கும் அணிகள் சூப்பர்-4 சுற்றுக்கு முன்னேறும்.

சூப்பர்-4 சுற்றை எட்டும் 4 அணிகளும் தங்களுக்குள் தலா ஒரு முறை மோத வேண்டும். அதில் இருந்து டாப்-2 அணிகள் இறுதிப்போட்டிக்குள் நுழையும்.

கடினமான இங்கிலாந்து தொடரில் இடைவிடாது ஆடிய இந்திய கேப்டன் விராட் கோலிக்கு ஓய்வு அளிக்கப்பட்டுள்ளது. அவருக்கு பதிலாக ரோகித் சர்மா, ஆசிய போட்டியில் இந்திய அணியை வழிநடத்துகிறார்.

ஒரு நாள் கிரிக்கெட்டில் மூன்று இரட்டை சதம் விளாசிய ஒரே வீரரான ரோகித் சர்மா மற்றும் டோனி, ஷிகர் தவான், லோகேஷ் ராகுல், அம்பத்தி ராயுடு, மனிஷ் பாண்டே, ஹர்திக் பாண்ட்யா போன்ற தரமான பேட்ஸ்மேன்களுடன், குல்தீப் யாதவ், யுஸ்வேந்திர சாஹல், ஜஸ்பிரித் பும்ரா, புவனேஷ்வர்குமார் ஆகிய சிறந்த பவுலர்களும் அங்கம் வகிப்பதால் இந்திய அணி வலுவாகவே காணப்படுகிறது.

தனது முதல் லீக்கில் கத்துக்குட்டி அணியான ஹாங்காங்குடன் (18-ந்தேதி) மோதும் இந்திய அணி ஓய்வின்றி மறுநாளே (19-ந்தேதி) பரம எதிரியான பாகிஸ்தானை சந்திக்கிறது. அது மட்டுமின்றி சூப்பர்-4 சுற்றிலும் பாகிஸ்தானை மீண்டும் சந்திக்க வேண்டி இருக்கும் என்பதால் இந்த முறை ரசிகர்களுக்கு ‘இரட்டை விருந்து’ காத்திருக்கிறது என்றே சொல்ல வேண்டும்.

விக்கெட் கீப்பர் சர்ப்ராஸ் அகமது தலைமையில் களம் காணும் பாகிஸ்தான் அணியில் முகமது அமிர், ஹசன் அலி, பஹார் ஜமான், பாபர் அசாம், ஹாரிஸ் சோகைல் உள்ளிட்டோர் சூப்பர் பார்மில் உள்ளனர். அத்துடன் ஐக்கிய அரபு அமீரகம் அவர்களுக்கு உள்ளூர் போன்றது. கடந்த 8 ஆண்டுகளாக அந்த அணி தங்களது உள்நாட்டு போட்டிகளை இங்கு தான் விளையாடி வருகிறது. இதனால் இங்குள்ள சீதோஷ்ண நிலை பாகிஸ்தான் அணிக்கு அத்துபிடியாகும். இது பாகிஸ்தானுக்கு அனுகூலமான விஷயமாகும்.

இதே போல் முன்னாள் சாம்பியன் மேத்யூஸ் தலைமையிலான இலங்கை, மோர்தசா தலைமையிலான வங்காளதேசம் ஆகிய அணிகளும் கோப்பையை உச்சிமுகர வேண்டும் என்பதில் தீவிரம் கட்டுவதால் ஆசிய கோப்பை போட்டி ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.

தொடக்க நாளான இன்று முதல் லீக்கில் இலங்கை-வங்காளதேச அணிகள் துபாயில் பலப்பரீட்சை நடத்துகின்றன. இலங்கை அணியில் காயம் காரணமாக சன்டிமால் விலகியுள்ளார். நிறைமாத கர்ப்பிணியாக இருக்கும் மனைவியை அருகில் இருந்து கவனித்து வரும் ‘சுழல் புயல்’ அகிலா தனஞ்ஜெயா முதல் இரு ஆட்டங்களில் ஆடமாட்டார் என்று தெரிகிறது. இது வங்காளதேசத்துக்கு சற்று சாதகமான அம்சமாகும். அதே சமயம், மூத்த வேகப்பந்து வீச்சாளர் மலிங்கா ஓராண்டு இடைவெளிக்கு பிறகு இலங்கை அணிக்கு திரும்பியிருப்பது அனைவரது கவனத்தையும் ஈர்த்துள்ளது.

வங்காளதேச அணியில் தமிம் இக்பால், ஷகிப் அல்-ஹசன், முஷ்பிகுர் ரஹிம், மக்முதுல்லா ஆகியோர் பேட்டிங்கில் மிரட்டுவார்கள் என்பதால் ஆட்டத்தில் பரபரப்புக்கு பஞ்சமிருக்காது.

இவ்விரு அணிகளும் இதுவரை 44 ஒரு நாள் போட்டிகளில் நேருக்கு நேர் மோதி உள்ளன. இதில் 36-ல் இலங்கையும், 6-ல் வங்காளதேசமும் வெற்றி பெற்றன. 2 ஆட்டத்தில் முடிவில்லை.

துபாயில் தற்போது வெயில் காலமாகும். அனைத்து ஆட்டங்களும் பகல்-இரவு மோதல் என்பதால் முதலில் பேட் செய்யும் அணியை வெயில் வாட்டும். மின்னொளியின் கீழ் 2-வது பேட் செய்யும் போது, இரவில் அனலின் தாக்கத்தால் வியர்த்து கொட்டும். இந்த சீதோஷ்ண நிலையை திறம்பட சமாளிக்கும் அணிக்கு வெற்றிக்கனி கிட்டும். பொதுவாக இங்குள்ள ஆடுகளம் மெதுவான தன்மை கொண்டது என்பதால், ஆட்டத்தில் சுழற்பந்து வீச்சாளர்கள் முக்கிய பங்கு வகிப்பார்கள்.

இந்த மைதானத்தில் இதுவரை 23 ஒரு நாள் போட்டிகள் நடந்துள்ளன. இதில் 2-வது பேட் செய்த அணியே 15 முறை வெற்றி பெற்றிருக்கிறது. 2015-ம் ஆண்டு பாகிஸ்தானுக்கு எதிராக இங்கிலாந்து அணி 5 விக்கெட்டுக்கு 355 ரன்கள் குவித்தது இங்கு ஒரு அணியின் அதிகபட்ச ஸ்கோராகும். 2011-ம் ஆண்டு பாகிஸ்தானுக்கு எதிராக இலங்கை அணி 131 ரன்னில் சுருண்டது குறைந்தபட்சமாகும்.

போட்டிக்கான இரு அணிகளின் உத்தேச பட்டியல் வருமாறு:-

இலங்கை: டிக்வெல்லா, தரங்கா, குசல் பெரேரா, குசல் மென்டிஸ், மேத்யூஸ் (கேப்டன்), தனஞ்ஜெயா டி சில்வா, திசரா பெரேரா, ஷனகா, தில்ருவான் பெரேரா, லக்மல், மலிங்கா.

வங்காளதேசம்: தமிம் இக்பால், லிட்டான் தாஸ், ஷகிப் அல்-ஹசன், முஷ்பிகுர் ரஹிம், மக்முதுல்லா, மோசடெக் ஹூசைன், முகமத் மிதுன், மோர்தசா (கேப்டன்), மெஹிதி ஹசன் மிராஸ், ருபெல் ஹூசைன், முஸ்தாபிஜூர் ரகுமான்.

இந்திய நேரப்படி மாலை 5 மணிக்கு தொடங்கும் இந்த போட்டியை ஸ்டார் ஸ்போர்ட்ஸ்1, 2, ஸ்டார் ஸ்போர்ட்ஸ் தமிழ் ஆகிய சேனல்கள் நேரடி ஒளிபரப்பு செய்கின்றன.  #AsiaCup2018

6 அணிகள் பங்கேற்கும் ஆசிய கோப்பை கிரிக்கெட் போட்டி வருகிற 15-ந்தேதி துபாய் மற்றும் அபுதாபியில் தொடங்குகிறது. இதற்கான 16 பேர் கொண்ட இலங்கை அணியில் சண்டிமால் இடம் பெற்று இருந்தார்.

இந்த நிலையில் காயம் காரணமாக சண்டிமால் ஆசிய கோப்பை போட்டியில் இருந்து விலகி உள்ளார். உள்ளூரில் நடந்த 20 ஓவர் போட்டியில் சண்டிமால் கைவிரலில் காயம் அடைந்தார். அவர் குணமடையாததால் ஆசிய கோப்பையில் பங்கேற்க முடியாத நிலைக்கு தள்ளப்பட்டார்.

அவருக்கு பதிலாக விக்கெட் கீப்பர் டிக்வெலா தேர்வு செய்யப்பட்டுள்ளார். #AsiaCup2018 #Chandimal

ஐதராபாத்:

ஆசிய கோப்பை கிரிக்கெட் வருகிற 15-ந்தேதி தொடங்குகிறது. வருகிற 28-ந்தேதி வரை துபாய், அபுதாபியில் இந்தப்போட்டி நடக்கிறது.

ஆசிய கோப்பை போட்டியில் இந்தியா, இலங்கை, பாகிஸ்தான், வங்காளதேசம் உள்ளிட்ட 6 நாடுகள் பங்கேற்கின்றன. இவை இரண்டு பிரிவாக பிரிக்கப்பட்டுள்ளது. ‘லீக்’ முடிவில் இரண்டு பிரிவிலும் முதல் 2 இடங்களை பிடிக்கும் அணிகள் ‘சூப்பர் 4’ சுற்றுக்கு தகுதி பெறும்.

‘சூப்பர் 4’ சுற்றில் 4 அணிகளும் ஒன்றுடன் ஒன்று ஒரு முறை மோதும். இதன் முடிவில் முதல் 2 இடங்களை பிடிக்கும் அணிகள் இறுதிப் போட்டிக்கு தகுதி பெறும்.

இந்தியாவும், பாகிஸ்தானும் ஒரே பிரிவில் இடம் பெற்றுள்ளன. வருகிற 18-ந்தேதி (செவ்வாய்க்கிழமை) இரு அணிகளும் மோதுகின்றன.

இந்த நிலையில் ஆசிய கோப்பையில் பாகிஸ்தான் அணியில் சோயிப் மாலிக் முக்கிய பங்கு வகிப்பார் என்று இந்திய அணியின் முன்னாள் பேட்ஸ்மேன் வி.வி.எஸ்.லட்சுமண் கருத்து தெரிவித்துள்ளார். இது தொடர்பாக அவர் கூறியதாவது:-

ஆசிய கோப்பையில் சோயிப் மாலிக் முக்கிய பங்கு வகிப்பார். இந்தியாவுக்கு எதிராக அவர் சிறப்பாக விளையாடுவார். இதனால் தான் அப்படி கூறுகிறேன். அவர் அனுபவம் வாய்ந்தவர். சுழற்பந்தை எதிர்கொள்வதில் சோயிப் மாலிக் சிறந்த பேட்ஸ்மேன். மிடில் ஓவரில் நன்றாக ஆடக்கூடியவர்.

மேலும் பாகிஸ்தான் அணி தொடக்க வீரர்களான பகர் ஜமான், பாபர் ஆசம் ஆகியோரை அதிகமாக சார்ந்து இருக்கும்.

இந்திய அணியின் சுழற்பந்து வீரர்களான யசுவேந்திர சஹாலும், குல்தீப் யாதவும் எதிர் அணி பேட்ஸ்மேன்களுக்கு சவாலாக இருப்பார்கள்.

இவ்வாறு வி.வி.எஸ். லட்சுமண் கூறியுள்ளார். #VVSLaxman #ShoaibMalik #AsiaCup

இந்தியா, பாகிஸ்தான் உள்பட ஆறு அணிகள் பங்கேற்கும் ஆசிய கோப்பை 50 ஓவர் கிரிக்கெட் தொடர் வருகிற 15-ந்தேதி தொடங்குகிறது. இதில் இந்தியா - பாகிஸ்தான் இடையில் நடைபெறும் ஆட்டம் குறித்து தற்போதே பரபரப்பு தொற்றிக் கொண்டது.

இந்திய அணி இங்கிலாந்துக்கு எதிராக டெஸ்ட் போட்டியில் விளையாடு வருகிறது. பாகிஸ்தான் வீரர்கள் தற்போது சர்வதேச போட்டியில் விளையாடவில்லை. ஆசிய கோப்பைக்கான பாகிஸ்தான் அணியில் இடம்பிடித்துள்ள வீரர்கள் இந்தியா - பாகிஸ்தான் இடையிலான போட்டி குறித்து பேசி வருகிறார்கள்.

இந்நிலையில் அந்த அணியின் அனுபவ ஆல்ரவுண்டரான சோயிப் மாலிக், இந்தியாவிற்கு எதிராக சிறப்பான ஆட்டத்தை வெளிப்படுத்தினால் ஹீராவாகிவிடலாம் என்று தெரிவித்துள்ளார்.



இதுகுறித்து சோயிப் மாலிக் கூறுகையில் ‘‘இந்தியாவிற்கு எதிராக யாராக இருந்தாலும், அவர்கள் சிறப்பாக ஆட்டத்தை வெளிப்படுத்தினார்கள் என்றாரல், ஹீராவாகி விடலாம். இந்தியா - பாகிஸ்தான் இடையிலான ஆட்டத்தை ஏராளமான ரசிகர்கள் கண்டு களிப்பார்கள். இதனால் இளம் வீரர்கள் சிறப்பான ஆட்டத்தை வெளிப்படுத்தி மிகப்பெரிய வாய்ப்பாகும்.

ஆசிய கோப்பையில் இந்தியாவிற்கு எதிரான ஆட்டம் என்ககு வழக்கமான ஒரு போட்டியை போன்றதுதான். இதுபற்றி அதிக அளவில் யோசித்தால் நெருக்கடி பற்றிக்கொள்ளும்’’ என்றார்.

மும்பை:

14-வது ஆசிய கோப்பை கிரிக்கெட் போட்டி ஐக்கிய அரபு அமீரகத்தில் வருகிற 15-ந் தேதி முதல் 28-ந் தேதி வரை நடக்கிறது. இதில் நடப்பு சாம்பியன் இந்தியா, பாகிஸ்தான், இலங்கை, வங்காளதேசம் உள்பட 6 அணிகள் கலந்து கொள்கின்றன.

இந்நிலையில் ஆசிய கோப்பை போட்டிக்கான இந்திய அணி மும்பையில் இன்று அறிவிக்கப்பட்டது. எம்.எஸ்.கே.பிரசாத் தலைமையிலான தேர்வு குழுவினர் கூடி அணியை தேர்வு செய்து அறிவித்தனர்.


இந்திய அணியில் இடம் பெற்றுள்ள வீரர்கள் விவரம் வருமாறு:-

ரோகித் சர்மா(கேப்டன்), ஷிகர் தவான்(துணை கேப்டன்), கே.எல்.ராகுல், அம்பதி ராயுடு, மணிஷ் பாண்டே, கேதர் ஜாதவ், எம்.எஸ் டோனி, தினேஷ் கார்த்திக், குல்தீப் யாதவ், ஹர்திக் பாண்ட்யா, ஒய் சாகல், அக்சர் படேல், புவனேஷ்வர் குமார், ஜஸ்பிரித் பும்ரா, ஷர்துல் தாகூர், கலீல் அகமது. #AsianCup2018 #BCCI

மும்பை:

14-வது ஆசிய கோப்பை கிரிக்கெட் போட்டி ஐக்கிய அரபு அமீரகத்தில் வருகிற 15-ந் தேதி முதல் 28-ந் தேதி வரை நடக்கிறது. இதில் நடப்பு சாம்பியன் இந்தியா, பாகிஸ்தான், இலங்கை, வங்காளதேசம் உள்பட 6 அணிகள் கலந்து கொள்கின்றன. ஆசிய கோப்பை போட்டிக்கான இந்திய அணி மும்பையில் இன்று அறிவிக்கப்படுகிறது. எம்.எஸ்.கே.பிரசாத் தலைமையிலான தேர்வு குழுவினர் கூடி அணியை தேர்வு செய்கிறார்கள்.

முதுகு வலி பிரச்சினைக்கு மத்தியிலும் இங்கிலாந்து டெஸ்ட் தொடரில் விளையாடி வரும் இந்திய அணி கேப்டன் விராட்கோலிக்கு, ஆசிய கிரிக்கெட்டில் ஓய்வு அளிக்கப்படலாம் என்று தெரிகிறது. காயத்தில் இருந்து மீண்டுள்ள வேகப்பந்து வீச்சாளர் புவனேஷ்வர்குமார் மற்றும் ரோகித் சர்மா, விக்கெட் கீப்பர் டோனி ஆகியோர் அணிக்கு திரும்புகிறார்கள். ஐ.பி.எல். போட்டியில் கலக்கிய அம்பத்தி ராயுடுவும் அணியில் சேர்க்கப்பட வாய்ப்பு உள்ளது.  #AsianCup2018